உணர்வுகளை கழட்டி

இன்று கொள்ளி வைத்து

நாளை பால் ஊற்றி

பதினைந்தாம் நாள் காரியம் செய்து

வருடம் ஒன்று ஆனதும் திதி கொடுத்து

அம்மாவாசைதோறும் பிண்டம் வைக்கும்

சராசரி தமிழன் நான்...

எனக்காக உடல் கிழித்த

உதிரம் ஊட்டிய

என் அன்னைக்கே

இவ்வளவுதான் செய்ய முடியும்

என் தொப்புள்கொடி உறவுகளுக்கு மட்டும்...

கொத்து கொத்தாய் கொன்றான்

என் இனப் பெண்டுகள்

சிதைக்கப்பட்டனர்

எங்குப் பார்க்கினும்

உடல்களும் சதைகளும் உதிரமும்

சிதறிக் கிடக்கின்றன

எல்லாம் முடிந்த பின்னும்

துன்பங்கள் தீரவில்லை

கேள்விகளும் முடியவில்லை..

எல்லாம் தெரிகிறது

வருத்தங்கள் தொடர்கிறது

கோபமும் தெரிக்கிறது

வழிதான் தெரியவில்லை...

எனது இறப்பிற்கே

என்னால்

இறங்கற்பா மட்டும்தான் பாட முடிகிறது...

என் கையை வெட்டினாலுமே

சிரித்து சகித்து வாழ

பழக்கப்பட்டிருக்கிறோம்

ஈழத்து உறவின் ஆவிகளே

மிச்சமிருக்கும் தண்டிக்கப்பட்டவர்களே

நான் வாழ்வதே

ஒரு அடிமை வாழ்க்கை...

உணர்வுகளை கழட்டி

உறையில் வைத்துவிட்டு

உடல் வளர்க்க கிளம்பிவிட்டேன்....

அழகாய் ஒரு விருந்தாளி

அழகாய்

ஒரு விருந்தாளி

எப்போதோ பார்க்கும் தும்பி என்பதால்

சற்று ரசித்து இருந்துவிட்டேன்

நாக்கை குழைத்துக் கொண்டு வருகின்றான்

விடாக்கண்டன்

மழைக்கு முன்னே வரும்

விட்டில் பூச்சிகளுக்கே

வாலை ஆட்டிக்கொண்டு

விருந்துண்ண வந்துவிடுவான்

எப்போதோ கிடைக்கும் தும்பி என்பதால்

வேகமாய் வருகிறேன்

மனசு படபடக்க

விளக்கின் மேல்

ஒய்யாரமாய் உட்கார்ந்து இருக்கும்

தும்பிக்கு கை அசைக்கிறேன்

வலிக்குமோ என்று

துண்டால் வீசியும் துரத்தினேன்

என் மனம் அறிந்தானோ

வேகமாய் வந்துவிட்டான்

கண் இமைக்கும் நேரத்தில்

என் எண்ணத்தையும் தாண்டி

நாக்கால் லாவகமாய்

இழுத்துக் கொண்டான்

மெல்ல ருசித்து விழுங்குவதை

அழகாய் சிலிர்த்த இறகுகள் மறைவதையும்

வண்ணம் குடி கொண்ட வால் காணாமல் போவதையும்

பார்த்துக்கொண்டே இருக்கின்றேன்

நீ விருந்தாளி

அவன் பல்லி என் அறைத்தோழன்

எல்லாம் நீயானாய்

எல்லாம் நீயானாய்

என் நன்றும் நீ

என் தீதும் நீ

என் வெற்றியும் நீ

என் தோல்வியும் நீ

என் ருத்ரமும் நீ

என் சாந்தமும் நீ

என் அன்பும் நீ

என் கோபமும் நீ

என் காதலும் நீ

என் காமமும் நீ

என் அழகும் நீ

என் அசிங்கமும் நீ

என் அமைதியும் நீ

என் அகங்காரமும் நீ

என் உயிரும் நீ

என் உடலும் நீ

என் உள்ளமும் நீ

என் உருவமும் நீ

என் எண்ணமும் நீ

என் செயலும் நீ

எல்லாம் நீயானாய்

சர்வமும் நீயானாய்

உன் உயிர் இழந்தேன்

உன் முன்னே சிலையானேன்

உனை மறந்தேன்

எனை இழ்ந்தேன்

மெல்ல அசைந்து ஆடுகின்றாய்

ஆனந்த தாண்டவம் ஆடுகின்றாய்

என்னை மறக்கச் செய்கின்றாய்

என்னை ஆட்டுவிக்கின்றாய்

மற்றவைகளில் சொன்னவை சில...

காலை தூக்கத்தில்

என் கையை இழுத்து

உன் தலையணையாக்கி

நீ தூங்குவது

ஞாயிற்றுக் கிழமைகளின் சந்தோசங்களில் ஒன்று...

என் போர்வைக்குள் புகுந்து

என் மார்பை

உன் படுக்கையாக்கிக் கொண்டு

என்னோடு சேர்ந்து

நீ தூங்கிப்போகும் சுகம்...

என் முதுகில்

ஒய்யாரமாய் சாய்ந்து கொண்டு

போர்வை நுணியால்

காதில் சிலிர்க்கவைக்கிறாய்...

ஒன்றுக்கு

இரண்டாய் முத்தமிடுகின்றாய்

என் கன்னத்தை

கிள்ளி தின்னும் காட்சி...

நீ தூங்குவதை

நான் ரசிப்பது

என்னை மழலையாக்கி

நீ மகிழ்வது...

தலைவருடினால்

சுருண்டு

என் மார்போடு ஒட்டிக் கொள்கிறாய்...

உன் பொம்மைகளை அடுக்கி

எனக்கு கதைகள் சொல்லி

விளக்கங்கள் கேட்கிறாய்...

சிரித்து சிரித்து

என்னையும் சிரிக்க வைக்கிறாய்

நேற்றைய துயரங்களை மறக்கிறேன்...

கை சூப்பியதற்கும்

உன் நட்போடு சண்டையிட்டதற்கும்

மன்னிப்பு கேட்டு மிரள வைக்கிறாய்...

தூங்குவதாய் பசாங்கு செய்து

என் கண்களுக்கு திரை போட்டு

கண்ணாமூச்சி ஆடுகின்றாய்...

கட்டி பிடித்து

சண்டை போட்டு

உன்னை ஜெயிக்க விட்டு...

கை கோர்த்து

கற்றில் வேகமாய் வீசி

என்னை நட்த்தி வருவாய்...

ஆடுவாய்

அசைந்து ஆடுவாய்

என்னையும் ஆட வைப்பாய்...

உதட்டு சத்தத்தில்

ஆட்டோ ஓட்டி

பல்லிடுக்கில் என் விரல் கடித்து

என் அசட்டு வலிக்கு

தடவிக் குடுத்து

விரலில் முத்தமிட்டு...

மற்றவைகளில்

சொன்னவை சில...

இன்று ஞாயிற்றுக்கிழமை

நாளை நீ விழிக்கும் முன்னே

இரை தேட

நான் பறந்து விடுவேன்

அடுத்த ஞாயிறுக்காக காத்திருபேன்

உன்னைப் போலவே....