வேஷம் போடும் பெரியாரிசமும் வேண்டாம்
காணாமல் போன கம்யுனிசமும் வேண்டாம்
எங்களை விட்டு விடுங்கள்
சாதாரண மனிதர்களாய்
இருந்து விட்டு போகிறோம்
இருக்க ஒரு இடமும்
மூன்று வேலை சோறும்
இல்லாமல் போனாலும் பரவாயில்லை
மிச்சமிருக்கும்
உயிரோடு விட்டு விடுங்கள்
நாங்கள் வாழ்ந்து கொள்கிறோம்
எங்களின் அவலங்களை
உரக்கச் சொல்லியே
மூன்றாம் சந்ததியருக்கும்
கோடிகளை சேர்த்து விட்ட
தானை தலைவர்களே
எங்களை விட்டு விடுங்கள்
எங்கள் மார்பகங்களில்
இருக்கும் சொச்ச உதிரத்தை கொண்டு
எங்கள் பிள்ளைகளை
நாங்களே வளர்த்துக் கொள்கிறோம்
எங்களை விட்டு விடுங்கள்
உங்களின் அரசியல் வியாபாரத்தில்
எங்களை
விபச்சாரம் செய்யச் சொல்ல்லாதீர்கள்
எங்களை விட்டு விடுங்கள்
நாங்கள்
மிகவும் சாதாரணமானவர்கள்
வீரம் கொண்டு
ஜெயிக்க போவதும் இல்லை
விவேகம் கொண்டு
வளரப் போவதுமில்லை
நாங்கள் இப்படியே
வாழ்ந்து விட்டு போகிறோம்
எங்களை விட்டு விடுங்கள்
2 comments:
நல்ல கவிதை.
வாழ்த்துக்கள்.
அக்கினிக் குஞ்சு.
Post a Comment